عبد الله العون هيضني بمنهاجه
بعض الشواعير تعجبني منهاجها
طرى علي القديم وخاطري هاجه
باحسن بيوتٍ بنوع الحب ناهجها
القاف عن صيغة الشعار ماعاجه
عدل بيوت القصيده عن تعوجها
والله مالومه لو انه زاد بخلاجه
من تابع البيض بذنه عماهجا
الجادل اللي قرارة نجد منتاجه
نجدية الأصل ماهي من خوارجها
من وصفت الظبي فيها عنق وحجاجه
وباقي وصوف الضبيّه ما تخارجها
ابو قرونٍ على الامتان دلاجه
درب الافاعي ليا نقضت معارجها
تضفي على لبةٍ تقول ديباجه
دواشق القطن عند اللي ينتجها
ياعود موزٍ ليا هب الهوى عاجه
نسم الذواري ليا هبت تعروجها
ماهي بناحف والا بالحال هرباجه
كنك على مطلب العاشق امبرمجها
"مدارات شعبية"