الله أكبر على الإرهاب والشلة
الله أكبر على اللي شانت أفعاله
الله أكبر على اللي ما لهم مله
غير قتل البري وتيتم عياله
حسبي الله على الظالم وطبع له
كيف جانا بفكر ما حسبنا له
الغدر والخيانة منهج الذله
والطريق السوي ملزوم يمشا له
يا عجيب العجب وش عاد يحصله
من يحاول يشعبث خابت آماله
جانا فكر دخيل لا حمده الله
ولا حمد ربنا من كان يسعا له
فكر حاقد وحاسد موجعه غله
ما فهمنا لهم توجيه ورساله
كود شق العصا ونصير حزب له
ما علينا من الحاقد مع أقواله
قالوا هذا جهاد ويتخيله
يقتل المسلمين ويرهب أطفاله
من قتل مؤمنا فالنار مثوى له
خالدا في جهنم عزي لحاله
ما لقينا دليل على قول له
الجهاد راية وجيوش تبرا له
كيف يجرأ على الإسلام وأهل له
ودي افهم وش اللي صور بباله
هم على ملة الكفار يجتله
أو على دين بوذي يوم يغتاله
هذي مكة وطيبة والوطن كله
لغير رب الخلايق ما ركعنا له
محافظين على السنة وكتب له
سنة الهاشمي والصحب مع آله
زمرة باغية مرفوض فعل له
تدعي نصرة الإسلام بأقواله
خاب من هو يناصرها ونيشن له
وخاب من هو وراها سخر أمواله
شلة لو تحرك يذعره ظله
راح وقته وقصده ما تهيا له
يزبن البر والا يزبن الفله
ضاقت اوطان ربي فيه وسهاله
والخطا لو ضعاف العقل تطبله
ما يتجاوب معه يا كود جهاله
والصحيح البشر تفهم طريق له
واضح ما يبيله عرف ودلاله
وكل مدرك يعقد الراي ويحله
ما يساوم بدينه ناس محتاله
والوطن ثابت ما صابته خله
ولا تزعزع وطنا بحكمة رجاله
تحت راية فهد وأخوه عبدالله
وأبو خاد ليا ثقل الحمل شاله
وقايد الأمن نايف مع عضيد له
ونجله اللي فهيم وصعب يلوا له
جهودهم سخروها دقه وجله
دون أمن الوطن ما فيه عذاله
دولة حكمت للشعب شرع الله
ما تزعزع ودين الله منواله
ياالله إنك تحفظه يا الولي يا الله
من نوايا هل التخريب وأعماله
تمت وصلوا عدد ما خط بسجله
على شفيع البشر في ماقف اهواله
"مدارات شعبية"