يا الله ياللي لا رجيناك قادر
يا عالم باللي مع الوقت شقيان
تلطف ببونا وتنجيه من المخاطر
ومن المرض تبريه يا عالي الشان
هو راس مال البيت روض البيادر
عسى الله يشافيه في كل ميدان
رحمان لذنوب المخاليق غافر
ومهون بعفوك مصابي بسلطان
البارحة في هجعة الليل ساهر
والعين تذرف دمعها دم وأشجان
يطري على صدق الوفاء لبو ثامر
بابيات شعراً هيضت كل ولهان
يطري على صقار حراً ونادر
خذا بيده طيره مفارق للاوطان
للغرب روح منتخي بالدكاتر
يبي علاج الطير من عند رحمان
فالله يرد اللي بعيد مسافر
مع آخر العنقود يا خير مزبان
ونشوف طير البيت بالدار طاير
ونفرح بجيت خينا طير حوران
سبحانه اللي قادر لكل قادر
يا واحداً نرجيه سراً وتبيان
"مدارات شعبية"