الدين دين الله وسنة نبيه
ما فيه تحريف ولا فيه تبديل
ومن قال هذا الدين ما له هويه
انقول عقلك لازم فيه تعديل
الدين علمنا علومٍ قويه
اتحارب الإرهاب والزيف والميل
وان الخوي دايم يعاون خويه
واللي يطاوع بالوطن بعض أقاويل
هذاك حتى النفس منه بريه
إنسان لكن ينشب لتماثيل
والا كما قالو تحت تبن حيه
يدس سمه للوطن تالي الليل
مثل خفافيش الظلام الخفيه
ما يدري انه كاسب كل تنكيل
من الله الرحمن رب البريه
يكتب عليه من العذاب التهاويل
وخلي من افعاله تجيه المنيه
صنعه صنعها تقتله بارد الحيل
يوم انحرف من دين سنة نبيه
وخلى دموع أمه تساكب هماليل
"مدارات شعبية"