يا المملكة نفديك بالمال والروح
ونوقّف الباطل بحزم وقوّة
اسمك شهر بالطيب ماهوب مطروح
يكفيك فخر أنّك بلاد النبوّه
منهو نوى بالشرّ ما هوب مربوح
دونك حلاحيل الفخر والحموّه
حنّا معك والشرّ زايل ومكسوح
لا لا يهمّك فاقدين المروّه
المعتدي يا دار حاسد ومشفوح
لو هو تخفّى يفضح الله سُوّه
أهل النّدامة جمّعوا كل مقبوح
حزبٍ مع حزبٍ ولا فيه خوّه
ما همّهم دمعٍ على الخد مسفوح
ولا همّهم طفلٍ يتيمٍ مشوّه
الله على الظالم ولو يبني صروح
الله حسيبه يدحره وسط ضوّه
هذي مشاعر صاغها قلب مجروح
بأسباب ما كدّر على القلب جوّه
وأرفع بعالي الصوت يا دار وأبوح
قول وفعل ما أقول ليته ولوّه
النّفس والأموال من شانك تروح
ويبقى شموخك ثابتٍ في علوّه
"مدارات شعبية"