يا الله إنك تحفظ الدار من شر الحسود
من نواه بشر يعل شره بنحره
موطن البيتين وديار ركاع سجود
وحاكمه بالشرع والشرع حكمه مطهره
مملكة دستورها الشرع وتقيم الحدود
والجهود بخدمة الدين دوم مسخره
الولاء لله ثم للسعود
يا مروجت الفتن بالبلد والشوشره
الزعيم اللي عن الدين واحياضه يذود
ما تزعزع به ثقتنا علوم مزوره
كلنا للدين والدار والقادة جنود
جعل من يجحد ثناهم يودي المقبره
مال من يخلفه ولانا بدنيانا وجود
ما نطيع إنسان عميان قلبه وبصره
منهو اللي هدم الدور من فوق الرقود
منهو اللي هد بيتا لابوه عمره
شلة التفجير واعوانها سم الكبود
كم يتيما من سبايبها يهل اعبره
انصح اللي تاه عن رشده الى رشده يعود
وكل مسلم تاب عن ذنب لله غفره
انصح اللي يفتهم وإلا القلوب السود سود
عضو فاسد ما يلام اللي عن الجسم ابتره
نشجب الإرهاب ونجدد قديمات العهود
بيعه يلزم بها الشايب اصلاب ظهره
تاقف الاحفاد ميقاف ماضين الجدود
بسم شيخ نفتخر به ونفخر بجبره
كم ورد بنزولنا نزل الذويبي من عدود
يوم كل يفتخر بفعول ربعه وظفره
حامي المقفين بالسيف لاذل الشرود
كم شجيع بالويصق عن هقاويه عثره
في زمانٍ فات لعل شره ما يعود
الزمان اللي شكا الناس شره وقشره
لين وحدها الامام ابن الامام وابن سعود
ثبت الإسلام والأمن والظلم أدحره
واصبح الفرد السعودي على الأمن محسود
استراح بلذة النوم من بعد طول اسهره
يتجول بالبلاد من الحدود الى الحدود
آمنٍ لو نام وحده تحت ظل شجره
في ربوع المملكة يمشي طليق بلا قيود
حرٍ نفسه وين يبغى اقامته وسفره
نعمة تستاهل الشكر ومضاعف جهود
يعتزي من دونها اللي في حوال الناس لد نظره
اشهدوا يا من سمع والله هو خير الشهود
ما نصاحب بالوطن مخلوق خانه وغدره
كل رجال يوصي عياله بالصعود
والتصدي للخطر من وين ياتي مصدره
قالها اللي للوطن ولاه ما ينقص يزود
واحد من حرب يعلن موقفه وخبره
والسلام ختام ما هز الغصون الخضر نود
والصلاة على رسولٍ عزه الله ونصره
"الرأي"