كيف صار الصبح يعشق نجم ويلبي جبينه
وكيف صار الليل يكشف سر خباه النهار
كيف يتواضع بحر من أجل ربان السفينه
وكيف تطفى النار والماء يبس والدنيا شرار
والله إن المعجزات أكثر من اللي خابرينه
النخل يسجد لخرّاف الرطب بأحلى الثمار
والشجر كب العنب ويا الكرز وسط المدينه
وانشرح صدر المزارع للفلاحه والبذار
والنحل مد السدر والدوعني لمجربينه
لين شفت أن العسل له قيمه وشان ووقار
واكتشفت أن الصبر عقبه فرج وأيام زينه
والله اللي يرزق الإنسان وفي يده القرار
والله اللي يحيي الميت وحنا دافنينه
والله اللي يعطي الجنه بليا اختبار
لا إله إلا انت ولا غيرك سجدنا عابدينه
امنح العبد الفقير المغفرة والانتصار
"مدارات شعبية"