بسام لا تنشد عن الحال وش فيك
توك صغير وكايد العلم ماجاك
توك على علوم تشيب نواصيك
ما ودي افجع مرقدك وابكي بكاك..
ولا ترى حالي وأنا أمك دواكيك
حالي براه اللي من أسبوع خلاااااك..
صلوا عليه وصفوا الطوب اهاليك
وشلون طاع القلب بالرمل غطاك..
انت البليهي ما تماشى خطاويك
وأنت البليهي ما أحدن طال مرقاك..
وأنت البليهي شايل الحمل عن ذيك
وانت البليهي شايل الحمل عن ذاك..
وأنت الكريم إلى لفي لا لفى الضيف يحييك
وانت الرحيم اللي بكى الطفل بكاك..
ابكى وكل الناس يا بوي تبكيك
والبيت يبكي فاقد صوت حياك..
ودموع عيني حرقت ناظري فيك
وحطام قلبي بين الاضلاع ينعاك
ولا قلت كفّي يا عيوني سوانيك
قامت تعبر كل ما حل طاريك..
يا كبر جرحي يايبه عند طرياك
ويا حر قلبي يايبه كيف ابنساك
اشوف زولك في منامي واحاكيك
ما تقل غطى الموت طلعة محياااااك
ارجي عسى المولى بعفوه يجازيك
ويعلي مقامك في جناته ويرفاك
"محليــات"