فيض المشاعر لأبيض الوجه مهداه
راعي السجايا النادرة والجزيله
سلطان خير وموطن الخير سمّاه
منبع وفا يزها بنفسٍ نبيله
وامجاد سلطان المشاهير تزهاه
ويمناه في كسب المراجل طويله
فعله وتاريخ السنافي ومبداه
وسام فخرٍ كل شعبه يشيله
في كل خير تبذل الخير يمناه
من خلقته في كل خير وفضيله
الخير نهجه والمكارم سجاياه
والطيب طبعه والوفا يستوي له
طالت حياة مرخص الحال والجاه
للخير والله للفضايل دليله
ما فيه خير إلا سموه تبناه
ولا فيه دار إلا شملها جميله
درع الوطن طول الزمن لا عدمناه
مواقفه سيد المواقف جليله
الله يطول في حياته ويرعاه
والشر والمكروه عنه يزيله
نفخر بمجده ونتنومس بطرياه
ونفرح بشوفه والمشاعر تجيله
بأسمى الوفا وأصل الوفا منه معناه
كل القلوب تتوق له وتعني له
قلوب شعبه وين ما كان تتلاه
تنزل منازيله وترحل رحيله
على العلوم الطيبه طاب مسعاه
جعل الولي يسعد صباحه وليله
وأعمارنا له قبل الأشعار مهداه
وأفعال أبو خالد سواته جزيله
عسى المشاعر سيدي تدرك رضاه
لو أنها في حق شخصه قليله
"مدارات شعبية"