والله ما ودي اكتب بك قصيدة نعي
ودي اتوج قصيدي فيك واثني عليك
ليتني قبل يومك الموعود جيتك سعي
حتى اسلم على راسك واقبل يديك
يا ألطف الناس بي يا عزوتي يا سنعي
علمتني من بداياتي وكيف انتهيك
اكرمتني من صغر سني وكلك معي
عيني مثل باقي عيون عدواتك تبيك
من أول الله اكبر وأنت كلك وعي
حتى التحيات من حبك تبي تحتويك
علمتني كيف ان المسلم الألمعي
نبضه صلة رحم وأنت الوصل منك واليك
علمتني كيف ان المسلم الاشجعي
لا اهتزت الأرض قال الله ماله شريك
علمتني كيف اضم الضيف بين اضلعي
انت الكرم من علاماتك ويعتز فيك
ارخصت لك عبرتي وارخصت لك مدمعي
أي والله ابكي عليك أي والله ابكي عليك
"مدارات شعبية"