كأس الذهب كل النوادي تمناه
كل على كسبه تزايد هيامه
كل يريده مير ماهوب وياه
دام الزعيم أبدى عليه اهتمامه
هلالٍ تجلى في الميادين شفناه
الفن والإبداع ذروة سنامه
زعامته ما هيب تلفيق واشباه
بالفعل والإقدام نال الزعامه
في ساحة الميدان تبهر سواياه
بذل جهوده لين حقق مرامه
نادٍ عريق المجد والعز يبراه
فضل منا المعبود منشي غمامه
نادٍ جماهيره تحبه وتهواه
حب من الأعماق في القلب شامه
ناد يقوده شهم تحمد سجاياه
شبل طوال الليل يرسم نظامه
شبل شعاع النبل غاش محياه
الوائلي جذره خواله عمامه
محمد الفيصل طروقه مخلاه
الى تكلم يعتني في كلامه
ناصع بيان يلبس القول معناه
ويفرض على السامع بليغ احترامه
يبعد عن الإسفاف ما يلفظه فاه
يبعد عن المحذور ويخشى الملامه
وحب الزعيم مشارك الدم مجراه
ترى مواري الحب بوجهه علامه
لأجله تسوق المال بالضيق يمناه
والجاه عند اللي رفيع مقامه
هذا كلام قلت ما فيه لولاه
خصيت به راعي الوفاء والشهامه
والله ثم والله والله والله
ما قصدي إلا الحق نكشف إلثامه
وصلوا على اللي تنعش القلب طرياه
اللي على الكفار جرد حسامه
"الريـاضيـة"