يا أول غرامي في حياتي وأنا صغير
يا اخر حدود المحبة يا يمه
ليتك عرفتي بس فيني وش يصير؟؟
لاشفت طفل في يدينك تضمه
احس قلبي من ضلوعي يبي يطير
لولا الضلوع العوج فيها تلمه
مدري غلا.. مدري محبة وتقدير
أو هو مكاني ما ابي من يشمه!!
هذا قصيدي جاني يمك مسايير
يا مرحباً واهلين حيثك متمه
جتني حروفي من يعيد المشاوير
يمه قصيدي مالها اليوم يمه
ليت القلوب اليا نوت تقدر تطير
وتاصل بعيد ديارهم في مهمه
ولو هو على كيفي على رجلي اسير
حق علي والطيب من ساس عمه
اظمي حنانك وانتى العد والبير
وأروى قراح ما نضب من مجمه
ما دامت الجنة تحت رجلك تصير
فانا مقصر والله اليوم يمه
وما دمتي بنعمة فأنا كلي بخير
وما دمتي (عجيز) فأنا (العود) لأمه
"مدارات شعبية"