حب الوطن يجري بعرقي والوريد
كان الردي في ديرة جدوده زهد
والي يدوّر للمشاكل ما يفيد
ما يفيد إلا العدا وأهل الحسد
بكره تبين الشمس ويذوب الجليد
دام قايدنا أبو فيصل فهد
يا وطنا جعل ربي لك يزيد
من أمانه والعطايا والسعد
ما عليك من العدو لو لك يكيد
ولو يحاول زعزعة أمنك بعد
ما تزعزع يا وطنا يا مجيد
لا يهمك كل من قام وقعد
كل أبونا للوطن جندي عنيد
بأرض المعارك صوتنا كنه رعد
أرواحنا لك يا وطنا لو تريد
كل أبونا حاضرن لك مستعد
كل شعبك ما بهم واحد بليد
من سواحل شرقها لين المهد
لا تلوم الي يردد بالقصيد
ما ذكرت شوي في اغلا بلد
مرسل هذي القصيدة بالبريد
كودها تنشر وتقرأ بالعدد
"مدارات شعبية"