اشره على رجل يقول القصيد
عنده بيوت عوج ومكسره
واليانصحته حطك انت البليد
والا ذراعه للقسر فسره
وبعض العرب جاله على ما يريد
حتى على قل السنع جسره
الشعر ما هو ضبط خيل بحيد
يلعب به المغرور ويحسره
لا صار لا فايد ولا مستفيد
يرتاح والمجهود لا يخسره
الشعر في معناه سيف حديد
وبحور ماهي لعب وميسره
واستثني اللي للمعاني تجيد
اللي تقول القول وتفسره
ربع لهم بالشعر كل يشيد
ما تنقص المعنى ولا توسره
قول عن الواقع حتى ما يحيد
ما تكشف المعنى ولا تعسره
"مدارات شعبية"