قال الذي يبدي حلي التفاسير
وليا بغى زين المثايل وسرها
يا ماحلا جمعة فروقن على بير
وتسمع نديب وغربها في ظهرها
اكد واركض ناوي نية الخير
ودنياك ما احد عالم وش دورها
وبنيت دار منوة للخطاطير
في مفرق التلين كل خبرها
وغرست انا وقم اميتين على بير
والميه الاخرى لحيق باثرها
ما زول ما صفوا علي الحفافير
يحرم علينا بيعة من ثمرها
اخير عندي من متان مظاهير
واخير من لاهها وزمة قطرها
لو اجتمع خلفاتها والمعاشير
وقدحانها عند الخطاطير ترها
واليا غزن الباب مثل السنانير
من الجوع الاشهب واردين خطرها
نبي نعشيهم ونغديهم بتصخير
وخطو الرفيق نزهبه من ثمرها
والبدو تنحروا دار بها مير
وكل تقفى سلعته لو كسرها
ان جا محل والوسم ماجا شاتير
راع الودايا ساقم من ثمرها
كم راس شيخ مودعينه بعاثير
ان جاش من بطن الفرنجي حثرها
بوسط ربع تخلط الشر والخير
عيان ما يدور دارك خطرها
عذروبها تقضي بخز القناطير
يخلون وغدانه تقاعد شجرها
واقلط ليا صليت عوج المناقير
دلال يطيب الكيف ريحة بهرها
ابغى ليا جونا ركاب معايير
قطعة ليال مطلبين سفرها
وان اختلط خلفاتها والمغاتير
يا حلوها لو ما النشامى يخبرها
يا زينها بايام قطف النواووير
ما يدري وين مودينن خثرها
يا راكب اللي كنها فزة الطير
تكسر عضود عنانها من سطرها
تشدي ظليم جافل مع محادير
او عين شيهان مع الريح ترها
وصاح المصيح بروس الزعامير
يتخاطفون دروعهم من شهرها
يا محلا خزة ذويد معاشير
ويزج من زين الفناني بسحرها
لا ضاق صدري جبت وقدة جثامير
وشبيت نار مثل نار قهرها
ودنيت من نما الغيد لمسايير
يا حيف راح اليوم عنا وعسرها
"مدارات شعبية"