يا الله يا اللي خالقٍ كل شيء في الوجود
كريم تلهم الفكر والرأي السديد
أطلبك تحمي وطنا من عيون الحسود
وكل صاحب فكر مغريه شيطان مريد
الحسد نوعين مذموم والعكس محمود
وصاحب المذموم تلقاه ذو حسٍ بليد
وكل حاسد للوطن في عيونه ألف عود
دايم الحسّاد يفنى وهو ما يستفيد
والرخاء والأمن في ظل حكام السعود
طيبينٍ مع هل الطيب وخصام العنيد
سجلوني ضد من كان لبلاده جحود
الوطن حبه مع الدم يجري في الوريد
لا بأعلى صوت للي يخونون العهود
يا الله اجعلني عن الدين وبلادي شهيد
ومرحباً مع طلة الصيف يا كل الوفود
في مصيف كل من جاه يا جد ما يريد
المطر همال والبرق مع صوت الرعود
كل يوم وكل ليله وهماله يزيد
طايفٍ مشهور بأحلى الفواكه والورود
موقعه في الوسط بين المدن موقع فريد
الحرم خمسين كيلو ومن بعده تعود
تاخذ العمره وترجع ومن يومك سعيد
والهدا مع طلعة النقبة الحمراء سنود
لأجل تقضي يوم فيها تعده يوم عيد
العروس اللي تباها بوردٍ في الخدود
من يناظرها بالأعيان عنها ما يحيد
والشفاء غابات غطت على سمر الحيود
وقبلك الحدبان فيها تلفريكٍ جديد
ومر سيسد منتزه شاسعٍ ماله حدود
خصصوها للعوايل ببوابة حديد
وللشباب الردف الليل تلقاهم قعود
معظم الجلسات فيها سواليف وقصيد
والمعالم قصر شبره ولا تنسى السدود
كلها من حول شبره ولا تبعد بعيد
ومتحف الطائف يذكرك بعصور الجدود
يوم كانوا باديه بين منزال وشديد
وروح للعرفا وتلقى مراسيم العدود
وفيه سوق عكاظ ومعلقات أهل النشيد
التطور كل عامٍ عن الأول يزود
ما علينا قصور وأميرنا عبد المجيد
المصايف في الوطن ما لنا عنها صدود
كان تبغى زبدة الهرج والعلم الأكيد
زوروا موقعنا على النت ما تلقى قيود يا
وسجل إيميلك ورقمك وصندوق البريد
"الطائف 26"