ترحيبة الغالي لمغليه بيتين
وترحيبة العشاق في عدة أبيات
والصيف فالطايف يسطر دواودين
ترحيبة تكتب بصفحة مدارات
يا مرحبا بالصيف ترحيب غالين
ترحيبة المشتاق في كل الاوقات
ترحيبة اللي منتظر خله سنين
وعند الملاقا ما جمع خمس كلمات
يا مرحبا بالصيف والورد والتين
ترحيب وافي من عذب السجيات
عد المطر عد الثمر فالبساتين
وعد النجوم اللي علينا مطلات
اقولها يا مرحبا بالملايين
واعيدها مره ومره ومرات
يا مرحبا يا صيف سته وعشرين
فالطايف المأنوس نبع الحضارات
الطايف اللي فيه مالا رأت عين
يشهد له التاريخ من ماضيٍ فات
ويشهد له التاريخ سابق وهالحين
وتشهد له أوراق الصحف والمجلات
ديرة على سيره على مله ودين
وزين الطبيعة يسرق القلب بسكات
كم قالها نشوان فالحب والزين
الطايف أحلى من وصوف الجميلات
"الطائف 26"