هذه القطعة الغنائية الجديدة للشاعر المعروف حسين السيد ويقول بأنه ضمنها الدمعة والفرحة والابتسامة واللقاء والعتاب، والذكريات والكبرياء..
أما محمد عبدالوهاب فيقول إنها قصة.. وسيلحنها لعبدالحليم حافظ.. فتعالوا لنقرأ سويا ماذا يقول حسين السيد
من زمان.. من زمان
قلبي حاسس من زمان
والنهار ده
من سكوتك وابتسامك..
من طريقة نظرتك ليا وكلامك
كل شيء دلوقت بان
قلها ما تخفشي.. صارحني
والله يا قلبي.. انت حاسس من زمان
***
حبيتك بكل ما قدرت حياتي توهبه
من شباب العمر وسنين انشغالك
حبيتك بكل ما قدرت عينيه تذاوبه
من دموع.. أجمل ما فيهم كان جمالك..
الدنيا كانت بالحب حلوة..
مرسومة حلم.. ومفروشة غنوة..
كنت أشوف الورد بيفتح بحب
مش بمية..
كنت أقول ع الشمس بتروح تحب
في دنيا تانية..
كنت أشوف الناس عرايس لابسة حب
ورايحة.. جاية..
كان ساعات الود ودي من هذا الحب
اللي فيه..
عايز افرق منه للدنيا
عشان كتير عليه
ومين يصدق فيوم وليلة
الجمال د كله شمعة وتنطفي
ومين يصدق فيوم وليلة
كل دا ياخذ زمانه ويختفي
أقابلك..؟!.. كاني عمري ما كنت في حياتك
شيء ما كنت أتصوره..!!
كلامك.. سلامك.. حتى طريقة سكاتك
كل دول.. اتغيروا..
ما بقتش عارف أقولك ايه..؟!
القلب لما النار تكويه..
وتذل اغلى حاجة فيه
ساعات بيكبر.. علشان يوفر
ذل السؤال والرد عليه..
قلها.. ما تخافشي.. صارحني
من زمان وانت جارحني
والله يا قلبي.. انت حاسس
من زمان..
| 
"زمان الجزيرة"