يا الله يا منشي مزون طهايف
افرج لمن هو ما يجي درب منقود
ادنيت انا الحرقا وقلطت نايف
وردوا علي الهدو ما أبغي له ردود
نايف على اسمه جا عديم الوصايف
منفله ربي على الخيل به زود
ابوه سباق لخيف الطوايف
وامه ثمنها تسعة آلاف منقود
يا شيخ لا تسمع هروج الحفايف
خذ جابتي يا منقع الطيب والجود
لو كنت عود لي فعول عنايف
وربعي تطاوعني على الهون والكود
حنا على ضدك جبال نوايف
وحنا لك اطوع من عنيبر ومسعود
لي لابة تروي حدود الرهايف
لاجا نهار فيه حاوي ومردود
ما نشتحن من حرب كل الطوايف
إلى بدا لازمك حنا لك جنود
لي لابة ما جمعوا بالعلايف
من نسل قحطان وتعزى على هود
"مدارات شعبية"