بالله قبل نبدا بالامثال نبدا
جلا جلاله ثم جلا جلاله
ما غير وجهه بالعباده نعبدا
من غير رادة ربنا مستحاله
ومن الضما عطفه روى كل كبدا
والمتكل بالله خيره يناله
اسعد بشر من عاش لله عبدا
موحد وبالله العظيم اتكاله
ذكر الله ابدا واحضر البوك وابدا
في نظم قيل يتصف بالجزاله
قلته رثا باللي له الخير مبدا
من خلقته ياما تقافت ارحاله
حزت سمعت العلم والدمع يبدا
والهم في صدري يزود اجتواله
ياللي لك الإسلام طاعه تعبدا
يالله تقبل في قدومه عماله
الشيخ اللي به كلمه الشيخ تبدا
شيخ آل محمد محتمين الرجاله
الشيخ ابو نواف دينٍ ومبدا
وللمستحق حق العطا في حلاله
زاهد ماهو للمال لاشن يعبدا
كم خيراً بظروف وقته عناله
واليا نخيته وانتخالك بربدا
قضيتك يا قرب وقت انحلاله
قليل هرج وياهرج ما يهبدا
ويعطيك من صدق الكلام وكماله
ومع سيرته نواف لاشك يبدا
ولكم العوض ياهل الوفا في عياله
وصلوا عدد ما تشرب المي كبدا
على نبياً قام بآخر رساله
"مدارات شعبية"