خلوني اكتب خاطرة في الجزيرة
تصفحوا مضمونها في مدارات
فالصفحة اللي فالصحايف اميره
من غير قاصر فالصحف والمجلات
جديدها شمس علينا منيره
ودايم لها مع غالي الشعر وقفات
اعشق بهاها يالوجيه السفيره
واكتب بها من واقع الشعر لوحات
يقوله اللي ما يخاشي ضميره
واللي خطر في خاطره عشرة ابيات
تكللت له فاليال الاخيره
ليال شهر الصوم شهر العبادات
الله كريم وكل مسلم يجيره
ويجعل لنا من رحمة الرب نفحات
وباسمي اعايد قايدين المسيره
حكام نجد اهل السيوف السليلات
واعايد الاسلام في كل ديره
والمسلمين اهل الوفا والصلوات
والله يذل اهل النفوس الحقيره
اللي عن الاسلام تنشر دعايات
"مدارات شعبية"