يا بوعمر وقتك مثل وقعة الطير
وقّع وغرَّد طاير بالسلامة
وش ذيَّره من عقب ما وقَّع يطير
هو واجهه شيءٍ يغيِّر نظامه
خليتنا ما بين حيرة وتفكير
طير السعد يا ربنا وش علامه
يا بوعمر مذكور مذكور بالخير
حصلت في دنياك عز وكرامة
يومك وليت الأمر عبَّرت تعبير
من عزَّ ربعه عزَّ ربي مقامه
وحنا عرفنا فيك حكمة وتدبير
والجد والإخلاص عندك علامة
فيك انضباط وللمهمات تذمير
ومبادرات الخير يأيدك زمامه
جيبك نظيف ما تبي حصة الغير
تمشي بدرب الحق والاستقامة
يا بوعمر فالك سعادة وتيسير
جنَّبك ربي عن دروب الندامة
وياقا ثمر قلبك صُروف المقادير
حتى يحقق في حياته مرامه
ولفيصل المحبوب حسبه وتقدير
وهو الذي يِقْرَأ ويِسْمَع كلامه
أميرنا اللي عارف محتوى البير
همه يوصِّل كل شيءٍ تمامه
ويدري مَنْ اللي يمسك الدرب ويسير
ومَنْ الذي يصلح للبس العمامة
"الرأي"