بعض المشاكل بس يوم وتعدّي
نلقى لها مليون حل وتيسير
وبعضها باقي من أيام جدي
تحتاج مع تواهة الوقت تبصير
وان كاني عشت اليوم وقت التحدّي
مع قلبي الي ما يكفيه تحذير
واعلنت عن دنيا المحبين بُعدي
وارغمت نفسي في بعاد المشاوير
فالله عليم الدمع من فوق خدّي
الى كما وابل على صخره يسير
وجروح تعشقني وتطغى فودّي
وتلو عني في صمت من دون تعبير
يا دنيتي لا لا تضيعين جهدي
ما بي جلد عقب الألم والمخاسير
ما ظن مصير الغير في حكم يدّي
ولا ظن مصيري بات في حكمة الغير
يا دنيتي اليوم هو يوم صدّي
هذا اللي مكتوب بأمر المقادير
"مدارات شعبية"