دار ياللي سعدها توما جاها
عقب ما هي ذليله جالها هيبه
جوهل الدين والتوحيد وحماها
واذهب الله هل الباطل واصاحيبه
قام عبدالعزيز وشاد مبناها
شيخنا اللي بحكم الشرع يمشيه
يوم حنت وونت سمع شكواها
وصلها قبل ناصلها مناديبه
عقب ما هي عجوز جدد صباها
زينها للعرب قامت تماريبه
عشقه للسعود من الله انشاها
حرمت غيرهم تقول مالي به
جاء الحباري عقارب نثر دماها
يوم شرَّف على عالي مراقيبه
صيدته يوم صف الريش ما خطاها
في الثنادي وفي الهامة مخاليبه
ذبح عجلان فيها ماتعداها
ما حلا عند باب ا لقصر تسحيبه
يوم شفته بعيني طاب ممساها
طير حوران شاقتني مضاريبه
"ملحق المزاحمية"