يا اللي من الدنيا درست وتعلمت
وتابعت من بين العرب كل موضه
في عالم الأسهم على الديك ساهمت
ولا معك علم بالتجارة تخوضه
تفرح بها ساعه وساعه تندمت
ولا لك احقوق بينه ومحفوضه
اشغلت بالك والبلا ما تفهمت
وضع كثير الناس منه مغموضه
ما تدري انك في طريقك توهمت
ودخلت لك بامر تكامل غموضه
كم مرة رحت امتعني وقدمت
تطلب من البنك التجاري قروضه
ياكثر ما اخذت امن الدراهم وسلمت
وضاعت بسوق زايدات عروضه
والى رجعت بنصف مالك تغانمت
مال غدى لك جعل ربك يعوضه
كثر العنا صابك بوقتك وراكمت
سكر وضغط وجاك معهن حموضه
ان نسبت فوق انبسطت وتبسمت
وعديت نفسك بالحياة محضوضه
وان عاكست طحت متساوي ولا قمت
ومن طاح ما اظنه سريع نهوضه
"مدارات شعبية"