قاموا يشيلون الطيور
لا والله الا قربت نقلة الطير
واهله من المربط بدوا ينقلونه
قاموا يشيلون الطيور الصقاقير
وصفن ليال وقتهن يرتجونه
أيام ينشن المزون المزابير
غر بأمر الله تهشم مزونه
ينشي من المنشا وينوي المحادير
ويدهج عدود بدونا يدهلونه
مدهال زينات البكار المغاتير
اللي فحلهن واحد من نمونه
تلقى لهن في الخد ورد ومصادير
خد يبيه البوش واهله يبونه
من عاشر البدوان ما هوب في خير
عزي لمسكين تفرق شطونه
ليا شرف النايف يحبي به حواشير
وان رد حارت دمعته في عيونه
"مدارات شعبية"