هذي بلدنا قبل لا يظهر الزيت
عشنا بها يوم السنين الخوالي
واليوم يا روس الكفر والطواغيت
من دونها يرخص غلا كل غالي
ياللي بدرب الشر سرت وتماديت
قدمك رجالاً تنطحك ما تبالي
ويا لا أنت بالحيلات سرت وتخفيت
ما أنته من اللي ينطحون الرجالي
يا راعي الإرهاب يا ويش سويت
أنشد وتعطيك الجواب الليالي
بعت البلد والدين وأصبحت وامسيت
لا دين لا دنيا ولا لك موالي
الحي منكم فالزمن يلعن الميت
والميت يلقا ما فعل ثم يسالي
يا شلة الإرهاب رحتو تشاتيت
يا أهل الردى والفسق وأهل الضلالي
والمملكة ما هيب لعبة سرابيت
من دونها قوماً تروي السلالي
في حكم أبو متعب وهو خادم البيت
شيخ رقا بالدار روس المعالي
وانت الذي صوب الثريا تعليت
لك منزلٍ بين النجوم العوالي
وأنت الذي يحسب حسابكٍ الياجيت
وأنت الذي بامرك تحسم الجدالي
وولي عهدك محزمك لا تعزويت
سلطان أخو نوره كريم السبالي
أبشر بعزك يوم بالشيخ ظنيت
درع الوطن شيال ما لا يشالي
هذا الكلام اللي عليه التثابيت
يشهد له التاريخ أول وتالي
ياللي على الأمن السعودي تهقويت
الأمن صاحي لك على كل حالي
في ظل نايف طيب العرف والصيت
وزير قواتٍ تخوض القتالي
ولا جاء نهارٍ فيه للحق تصويت
دون الوطن ترخص عمارٍ غوالي
ويا لله ياللي ما لغيرك ترجيت
تحفظ وطنا يا عزيز الجلالي
"مدارات شعبية"