سر يا قلم واكتب بيوتٍ جزالي
اكتب عن اللي صابني منه هوجاس
قل له ترى دمعي على الخد سالي
وقل له ترى قلبي صويبٍ ومنحاس
وقل له ترى أذقت العنا فالليالي
وقله ترا شلت المتاعب والاتعاس
يا صاحبي بُعدك ترى سم حالي
والرأس شاب وما بقا كود الأنفاس
يفداك قلبي يا حسين الجمالي
وتفداك روحي وانت اغلى من الماس
انت الوحيد اللي بوصله صفالي
وأنت الذي أغليه من دون هالناس
وإن كان يا خلي قطعت الوصالي
روّح وما لك داخل القلب مجلاس
"مدارات شعبية"