لا صار ما تقدر تصوغ التماثيل
ولا شفت موقف ما تهيض القريحة
ويتعبك نظم البيت بالحط والشيل
وصدرك مع المشوار تسمع فحيحة
وبالملعبة تصعب عليك المواويل
لا صارت الصفين نار وقديحة
وتزاحم الشعار لو أنت تمثيل
مرة تقوم وعشر مرات طيحة
وتقلط مع كبار الأسامي على الحيل
ومن الثقة تأكل لسان الذبيحة
وإلى مسكت المكرفون وسرى الليل
غثيت كل العالم المستريحة
تعد نفسك شاعر العصر والجيل
وأنته من المتردية والنطيحة
خذها نصيحة لا تزيد التهاويل
كانك من اللي يقبلون النصيحة
الشعر تصخير المعاني وتحليل
لا وردوه أهل العقول الرجيحة
اللي تواصلوا باتزانه عن الميل
وصانوه عن كل الصفات القبيحة
ولا صار مع جاهل قليل محاصيل
ديس اللقية ما ذكر به منيحة
شعر النبط تكفون عزوه بالحيل
يبقى عزيز ولا تهون الفصيحة
"مدارات شعبية"