الصدق عز ومنهج الكذب خيبه
دام السوالف بين صادق وكذاب
واللي يزيف بالكلام ويجيبه
لا طال هرجه قالو الناس نصاب
واللي يعيب الناس ويدس عيبه
ما طول اشناب ولا قصر اشناب
وراعي النميمه ما يخلي ديبيه
واللي حكاله بيحكي فيه لا غاب
ياللي تسمع هرجته وش تبيبه
لو قالو انه من عريبين الانساب
جنبه ياللي ما تحب الغليبه
لامنه طق الباب لاتفتح الباب
تلقى بداله فالرجال العريبه
للنار شباب وللخيل ركاب
ماهوب مذموم عزومه قريبه
ربدى تهوش وتحتري كل مخلاب
ربي خلق خلقه وربي حسيبه
والله يغفر ذنوب عبده ليا تاب
والادمي لا عاش يلقى نصيبه
ما كتب له صاب وما اخطاه ما صاب
"مدارات شعبية"