وراك ترحل عن حياتي وتقفي؟
وأنت (الوحيد) اللي له القلب مفتوح
عطيتك إحساسي وشوقي وعطفي
وبكل سهولة تقتل الحب وتروح!
بيّحت لك ما كان بالصدر مخفي
من هرج وأسرار ومعاناة وجروح
ورحلت ما قدّرت وضعي وظروفي
عساك تحفظ كل ما جاك من بوح
قالوا: ترى الدمعة من الهم تشفي
وألقيت في حالي على شاطي النوح
وبكيت.. لين النوح لي قال: يكفي
ما فيه من نوحك فوائد ومصلوح
ارحل ولا ترجي من الناس مقفي
وباب الهوى لأهل الهوى دوم مفتوح
"مدارات شعبية"