في الزاوية هذيك تجلس.. مضاوي
وهناك... ناس وليل وأنفاس عرقا
مشيت خطوه وأتبعتها... خطاوي
وصافحت من تفرق عن الخلق،، فرقا
قالت: زحام!! قلت والصدر خاوي
مدينة الغربة... والأحلام.. خرقا؟!
قالت تعبتي؟! قلت والعود.. ذاوي!
في حال من يطرق به الهم طرقا
ودي أعيش بوسط.. رجم خلاوي
في منزل تضحى به الشمس.. شرقا
يمرني سرب الحمام.. امتخاوي
واحس روحي كل ما طار.. ترقا!!
بأرض عذية تحت لون... سماوي
وكفوفي من عذب التقاطير.. غرقا؟!
واختار لي شخص شفوق هاوي
نسل بدوي ما وطا الدرب... سرقا
عقيد قومٍ مبعدين... الهقاوي
عدوهم ما سبل الجفن حرقا
هذي مناتي للعمر يا... مضاوي
تراب..!! وحدوده... سماوت زرقا!!
"مدارات شعبية"