* الرس - مكتب الجزيرة - حسين محمد الصيخان:
هناك الكثير والكثير من الشعراء الذين سطروا قصائد في هذا الشهر المبارك شهر الخير والبركات فرحين ومستبشرين بقدومه. إليك أخي القارئ الكريم بعضاً من هذه القصائد.
* يقول طلق دغيليب العتيبي:
بشهر تفتح فيه للخير الأبواب |
وتباشروا بالضيف في كل الأقطاب |
بشهر الهدى والفضل والعفو والحب |
فيه التلاوة عطرت كل محراب |
ومن لا اعتنقها أكيد كافر وكذاب |
في صومه أجر وفيه لأجسامنا طب |
اختصه الله بين الأعمال بكتاب |
* وهذا الشاعر عبدالله الصقري:
حييت يا شهر بعد حول بحساب |
شرفت يا شهر الفرح والأماني |
شهر التهجد فيك وعتاق الأرقاب |
سيد الشهور وسيد كل الزماني |
شهر الصيام وشهر ترتيل بكتاب |
موسم هل الطاعات وأهل الحساني |
به ليلة يا هل المعرفه والألباب |
عن ألف شهر باجرها بالذهابي |
* وهذا راضي المصارع الشمري حيث يقول:
أهلاً هلا يا مرحبا بسيد الشهور |
شهر تنزل فيه خير التنازيل |
تباشروا ضوحه هلاله هل النور |
كل فرح بقدوم شهر التنافيل |
شهر فضيل دايم الخير مذكور |
خلا سواد الليل يوضي قناديل |
تجيبك الدنيا تدارج لها دور |
يا خير وقت فضلتك التنازيل |
هلا هلا باللي يفك قيد مأسور |
يا مطول الغيبات جبت التساهيل |
* ويقول عبدالله النغاس:
أهلا بشهر الخير شهر العبادة |
شهر له الأنفاس تجرد من الشين |
على جميع الناس باليسر واللين |
للمسلمين اللي على الشرع والدين |
والفائده الكبرى به الأجر ضعفين |
وقيام ليله بين جميع المصلين |
* وهذا محمد المويعزي يقول:
رابع الأركان له عندنا قدر وشان |
وكل مسلم يحتفي به ويفوح في لقاه |
له محبه في قلوب الملا واكبر مكان |
ومن يصومه ربنا اللي يجازي في عطاه |
فيه يا المسلم تصوم الجوارح واللسان |
وفيه ذكر الله ينور ميادين الصلاة |
فيه نبع الخير يظهر ويصفد كل جان |
وفيه ليلة ياهل الخير مكسبها غناه |
عن كنوز الارض وارزاقها سر وبيان |
ألف شهر خير من كل شي فالحياة |
* وقصيدة للشاعر حجب ردن العصيمي مرحباً بهذا الشهر الكريم:
مرحباً بالصوم هو شهر الرشادي |
تفتح ابواب الجنان وهي المرادي |
ويحبس الشيطان صبح والعشيه |
شهر للغفران هو شهر الجهادي |
نجاهد انفسنا قبل يوم المنيه |
وفيه ليلة قدر ما فيها رقادي |
وتقبل الدعوات للنفس الرضيه |
* ويقول أيضاً سليمان العبدالله القرزعي مرحباً بشهر الصوم:
هل رمضان اهلا هلا في هلاله |
شهر الصيام من الفرايض صيامه |
هل رمضان اهلا بشهر الجماله |
شهر التضرع عن عذاب القيامه |
هل رمضان اللي على الله كماله |
صوموا وقوموا وارتعوا في حلاله |
يوم القيامه ما تفيد الندامه |
ووحد إله العرش منشي خياله |
وصل الفرائض في خشوع وسهاله |
والبيت حجه كان تبي السلامه |
وادفع زكاة العمر بآخر لياله |
فطره من الميسور ليلة تمامه |
* ويقول سرور سفاح المطيري:
يا اللي تبي لك فرصةٍ تغتنمها |
تاحت لك الفرصة وجت لك على الكيف |
فرصة عمر.. محروم.. من ينحرمها |
ويربح بها اللي ما لقت منه تطويف |
جعل لها مواسم الخير تخفيف |
مثل شهر سيد الشهور وعلمها |
شهر مبارك له قداسة وتشريف |
عن الأكل والشرب والهرج بالزيف |
واما الليالي فيه بايمان قمها |
واجهد بهن واصبر ولو جاك تكليف |
* وقال الشاعر مرشد البذال:
شهر العباده والتسامح والدعا |
باشر صيامك ياابن آدم واخشع |
خشعه قلب ما هي خشوع اللسان |
* ويقول محمد بن عبدالعزيز الخنيفر:
يا هني من يصومه له مقام رفيع |
عند ربي يشوف الخير واجر عظيم |
والليالي الفضيلة الحذر لا تضيع |
خلها بالعبادة والطريق السليم |
واترك اللغو وافهم خل بالك وسيع |
التسامح طريق الخير والله عليم |
| 
