|
| |
بطاقة معايدة للقيادة والشعب
|
يوم انتهى شهر قضينا صيامه |
شهر التقى والجود شهر العبادات |
حيث ان به من جنة الخلد نفحات |
يا حظ من صامه وفاز بقيامه |
واخلص به الطاعه لرب البريات |
وياحظ من به نال غاية مرامه |
في توبة تمسح جميع الخطيات |
ويا تعس حظ اللي غرق في حرامه |
زاده بشهر الصوم جوع وسيات |
بوقت الصلاة تطيب لذة منامه |
ما يدري ان الموت يأتيه بسكات |
الفرق واضح بين مرهق عظامه |
وبين الذي بالشهر صب اهتمامه |
قضى رمضان وشهرنا اعلن تمامه |
ويا الله عسانا به من اهل الكرامات |
وهلال عيد الفطر شع بظلامه |
وحنا لنا بالعيد فرحه وعادات |
والله يعيده بالسعد والمسرات |
من بعد ذا ياهل الشعر والفهامه |
خصصت لي بالعيد ثلاث باقات |
مليكنا المحبوب رجل المروات |
اللي ارتوى بالطيب حزة فطامه |
يا حي والله نور هاك السمامه |
صقر العروبه ذخرنا بالملمات |
الله يديم العز له والسعادات |
ويرفع لك الترحيب وازكى التحيات |
وعيدك مبارك يا زعيم الزعامه |
بفرايد ابيات بصفحة مدارات |
وان قلت ابو متعب يروقن الابيات |
سلطان له بالمجد صوله وجولات |
اعايد اللي له بطيبه علامه |
وان قلت ابو خالد تطيب الدلالات |
مع نايف اللي يوم جرد حسامه |
خلى اهل الارهاب تموت حسرات |
ومعهم بعد من له بالامجاد هامه |
ابو فهد سلمان رجل المهمات |
حازوا معانيها وللطيب شارات |
وثالث بطاقات الوفا والكرامه |
لاغلى وطن مع خالص الحب مهدات |
ما انسى الوطن والنفس به مستهامه |
وهيهات ابنسى شعبه الحر هيهات |
من اقصى الشمال لسهل وادي تهامه |
ومن بحره الاحمر الى شرق سيهات |
بحب الوطن وقيادته كل الاوقات |
شعب فرض على الجميع احترامه |
ثم الصلاة عداد وبل الغمامه |
وعداد ما شعت بالآفاق نجمات |
على شفيع الخلق يوم القيامه |
وافضل نبي خصّه الله بالآيات |
عطاالله بن سليمان العطاالله -الزلفي
|
|
|
| |
|
