|
| |
طعن الظهر
|
وتخلف به الهفوات في بعض الأصحاب |
وتصير كلمات الوفاء في لسانه |
أرخص من الكذبه عني لسان كذاب |
لا من غدر به صاحب له مكانه |
وش عاد باقي دام في صحبته خاب |
الله من طعن الظهر والخيانه |
من كل وقفات الخوي خاطري طاب |
كنت أحسبه غلطة صديق وميته |
وحاولت أعديها بلا شرح وحساب |
لأني تعودت الوفاء وللأمانه: |
ما كنت أبلحق صاحبي لوم وعتاب |
إلين ما شفت الأذى واللعانه |
وقررت أوقف ضحكة السن والناب |
ما أرضى على النفس الردى والإهانه.. |
وما والله أدتي عزتي لأية أسباب |
يا كبر معروف الزمن وامتنانه |
ويا كثر ما وقف معي قبل الأقراب |
والحين صارت في عيوني حصانه |
كل شيء واضح ما يبي درس وكتاب |
لا خاب ظن الآدمي في زمانه |
معذور لو عاف الصداقه والأصحاب |
نواف الضويلي
|
|
|
| |
|
