على هودج سنين العمر جيت لك رحّال |
ابحط عن متني حزن وقت الاتعابي |
تركت الشقا خلفي وليلٍ ظلامه طال |
جذبني الحنين وجيت لك يا أصدق أحبابي |
يا كثر الكلام اللي بصدري عشانك جال |
تناثر حروف الشعر في شرح الاسبابي |
أقابلك في حال واودعك أنا في حال |
وأرد أنتظر والشوق يلعب بالاعصابي |
ذبحني انتظاري لين خلا الملل يغتال |
شعور بصدري قلت أبنثره فكتابي |
تعال بعيونك شوف كيف الحزن قتال |
أبيك تعرف (يا فاتني) ويش سوّى بي |
وأبيك تعرف إن الغلا يذبح الرجّال |
وعشان تعذرني يوم أنا أزيد بعتابي |
أنا بس لو لحظة يجنبني الغربال |
قدرت آخذ حقوقي من (عيون) طلابي |
ولو قصّر الحظ الردي والزمن بي مال |
ذكرتك وجيتك ظامي أطوي غيابي |
بنيت الرجاء في شوفتك وأصدق الآمال |
حفظتك بقلبي واحتميتك ورا أهدابي |
وتركت الشقا خلفي وليل ظلامه طال |
ذبحني الحنين وجيت لك يا أصدق أحبابي |
نواف الضويلي |
|
