المصاب أكبر بكثير.. ومن الصعب أن تكون هذه الكلمات معبرة ولكن كان يتوجب علي المشاركة.. أخي عبدالله- رحمه الله- كان فقيدا للجميع |
يالعين هلي كل دمعي وهاتيه |
الموت حق الموت ماهوب عادي |
أمنت باللي نلتجي به ونرجيه |
هو غافر الزلات رب العبادي |
أبكي على اللي كل ماحل طاريه |
أخوي عبدالله كريم الأيادي |
يوم عصيب وهزني وش بقا فيه |
غير الشقا والهم والحزن زادي |
أنساه كيف أنساه مانيب ناسيه |
ذكراه تولمني وتجرح افوادي |
متعوده عيني خياله اتراعيه |
مسكنه وسط العين بالعون سادي |
والله لو بيدي إبدنياه لأفديه |
الأمر بيد الله عليه اعتمادي |
أنا أعرفه وأعرف سجايا مساعيه |
والناس تشهد له بحسن المبادي |
ما للردى يمه طريق يوديه |
إمجنب درب الردى والسوادي |
وما خفف الأحزان ومصابنا فيه |
غير الحشود اللي لفقده اتنادي |
يالله يالمعبود انك اتجازيه |
يا خالق الدنيا تحقق إمرادي |
أبجنة الفردوس تجزي حسانيه |
مع زوجته وابنيه يوم الحصادي |
وتحفظ لنا إعياله اتجدد مباديه |
ومن يحفظه ربي فلا هوب غادي |
وإن عاش راسي بالموروفه أبرضيه |
إعياله إعيالي وهذا الوكادي |
يوسف عبدالرحمن الوهيب |
|
