هذه القصيدة في رثاء الفقيد/ محمد بن عشوي الغرابي الحربي.. رحمه الله.. |
الموت ما دونه حصون ومناعه |
الله يثبتنا برحمة ثباته |
جانا وشال اللي طويل ذراعه |
اللي على أقرابه يضفي عباته |
وليا ارتعد قلب الشرود الرعاعه |
يرخص حياته خايفٍ من شماته |
متجمعٍ فيه الكرم والشجاعه |
والعلم دايم ميزةٍ من صفاته |
والدين ما عمره مشى في ضياعه |
وياصل قريبه لين حلت وفاته |
ونزيه ما عمره طمع بالوداعه |
يا قل من يقدر يسوي سواته |
شهوده الأجناب هم والجماعه |
اللي لهم به معرفه في حياته |
وحنا عزانا فيه عقب وداعه |
عرضه نزيه ومجتهد في صلاته |
جعله مع اللي بشروا بالشفاعه |
وعسى النعيم يصير فيها مباته |
الشاعر - غازي بن خشمان الغرابي الحربي |
|
