ما غير أدور ما يسرك ويرضيك |
متولع برضاك ورضاك كايد |
يا فاتني طالت مسافة تماديك |
جورك طغى وأنا بي الشوق زايد |
سر اهتمامي فيك ماهوب خافيك |
علمك قلبك قبل تقرا القصايد |
قصايدي نبضات قلب يناجيك |
متعود من رمش عينك عوايد |
عوايد عنها قبل عام ناهيك |
اقول صد إلين تطفى الوقايد |
لا تجرح رماح الهدب قلب مغليك |
ما به مكان للجروح الجدايد |
تعرف غلاك ومقصدك من تغليك |
تبيني اسلى عن قريب ونايد |
الأمير عبدالعزيز بن سعود بن محمد - (السامر) |
|
