الهم وجروح الزمن والمسافات |
ودروب ليلٍ بالمساري طويلة |
والعشق وايام الهوى والبدايات |
تطري علي احيان في كل ليلة!! |
ذكرى من الماضي عليها الزمن فات |
لكنها بالقلب دايم تجيله |
عمرٍ مضى ما ينسى كيف هيهات |
لو ان لحظات الهناء به قليلة |
كنا نحسب الحب ما له نهايات |
واحلامنا كانت سمانا الظليلة |
عشنا المحبة واجمل الوقت لذات |
وكل الليالي في نظرنا جميلة |
ومن بعد ما مرت سنين الغلا جات |
غبر السنين اللي وطتنا ثقيلة |
صارت ليالي حبنا كلها شتات |
ولا للصبر بيدين الاحباب حيلة |
راحت وكن الشوق فينا بعد مات |
وماتت مواعيد الغرام الهزيلة |
وتبدلت احوالنا للمتاهات |
وحلت بنا ذيك الظروف الدخيلة |
الحظ الاقشر لا وقف صار حسرات |
ما كنت اظن ادروبنا تنتمي له |
واقفى بقايا عمرنا هم وسكات |
ما فيه حي بالبشر نشتكي له |
من خوف ما تدري انفوس مريضات |
وتروح سيرة للنفوس العليلة |
كتبت مكون الخفايا بالابيات |
حبٍ مضى واليوم يعلن رحيله |
ساعة زمن واسترجعت كل ما فات |
تبقى الحياة بدونها مستحيلة |
العفيف - البكيرية |
|
