الشاعر الذي سوف نتحدث عنه شاعر له مكانة بين محبي الشعر الشعبي، وله العديد من قصائد الحكم، وهو غني عن التعريف؛ لأن شعره يجمع بين الحكمة والنصيحة وقوة المعنى. شاعرنا هو الشاعر الكبير سبيل بن سند الحربي - يرحمه الله -. من خلال هذه الأسطر سوف نلقي الضوء على بعض القصائد لهذا الشاعر، وفي البداية نقدم لكم هذه الأبيات من إحدى قصائده الوطنية: |
علينا للوطن واجب وعلينا للسعود عهود |
نبي نافي بهن بإذن الكريم أقوال وأعمالي |
عسى ربي يعزلنا ابلج يسهر وحنا أرقود |
لنا من نورة الوهاج نور.. كل مجدالي |
لنا من نوره الوهاج نور ما عنه منشود |
يشيد به الضمير الحي.. عبر امواج الارسالي |
|
وطنا اللي على طيب المرافق والرخا محسود |
يبي يحميه ربي والحسود بعينه اخلالي |
وللشاعر أيضاً قصائد عديدة في الحكمة والرجولة والتعامل مع الآخرين، ونختار هذه الأبيات من إحدى القصائد التي تعالج الكثير من المواقف، ومنها: |
النذل شوفه نار ومرافقه عار |
ما تنبغي له رفقة الغانمين |
كلام اقوله وارفع الصوت تكرار |
واللي يبي يزعل عليه يجيني |
ما لي ولا عندي للانذال مقدار |
الكامل الله خل عندك يقيني |
من قال انا الكامل تكلف بمخسار |
لو طاب ما عنف على الطيبيني |
ونتواصل مع أبيات من قصيدة أخرى في الحكمة والتعبير عن أحوال بعض الرجال؛ لأن الموقف هو الاختبار الحقيقي: |
ياللي تعرف العلم شوف المسير |
اعرف رجاجيل المواقف والانذال |
واللي تبي منهم.. تراك المخير |
خوذ الدليل من القدايم والافعال |
يتعب تعبك ويسهر الليل الاسمر |
عليه مثل اللي عليك من الاشكال |
|
لا تحسبن السالفه ما تنير |
فتالها صعب على كل فتال |
وللشاعر أيضاً من الغزل نصيب، حيث له العديد من القصائد المعبرة التي تحمل التعبير الحقيقي عن الإحساس الصادق.. وإليكم ما قاله: |
يا ناس ويش بحبكم مبتليني |
يا ليت شوف عيونكم ما تهيا |
طالت علي وطاولني سنيني |
مكتوم والله ما درى فيه حيا |
حتى انتم اللي بالحشا ساكنيني |
ما قلت سوى بي غلاكم كذيا |
|
بعيوني الثنتين واحلف يميني |
ما احد سكن بالقلب مثلك هنيا |
ولا قبلكم مخلوق بيح كنيني |
بغيت عنه اقفاي قلبي وعيا |
كله حيا لا اقول بالله عطيني |
قرطوع يبرى ما كوى الروح كيا |
ونتواصل مع قصائد الغزل لهذا الشاعر التي تحمل التجديد في المعنى والإبداع الشعري، حيث قال في إحدى القصائد: |
هلا هلا باللي يجيني ليا نمت |
لين اني اشبع من طرايف علومه |
والله ما عمري عقب نومتي قمت |
الا انقضت عند بالي هدومه |
ازعل على الناده وانا ما تكلمت |
ما ودي إلا كل الايام نومه |
ليا قمت راح ويا فقدته تالمت |
تاخذ بي السهله لها شوي حومه |
انا تحت حكم الموده تحطمت |
والود غيري حطمته اسهومه |
وانا الذي من كل الاطراف سلمت |
امري تحت حكمه وغاية لزومه |
عوض أبو شكر |
|
