يابنت انا في دفتر العشق طاويك |
وموسّدٍ راسي وريقة وصاتي |
في غيبتك القلب ياطيف ياتيك |
وبدون عينك مااهتنيت بحياتي |
ياغاليه طالبك وش جاك وش فيك |
غبتي وسببتي جفاي و عناتي |
سالت حبري والقلم ويش يبكيك؟ |
جاوب يقول الهم عبّا الدواتي |
ياظالمتني والحنايا غدت فيك |
وانتي وحيده في جميع البناتي |
حاولت انسى واتناسى مواريك |
وانوم ليلي واهتني في مباتي |
ياعايشه فيني كثير اناديك |
ومن زود حبك ضايع في شتاتي |
وفي تال ليلي يالحبيبه اناجيك |
ومن غيبتك مسجون في وسط ذاتي |
يااجمل قصيدة فرحتي يوم اغنيك |
طفت المداين وامتطي ذكرياتي |
شاعرينادي دايم الدوم يطريك |
دام الشعر في داخلي من صفاتي |
يادنيتي غرقان والقلب ناصيك |
موج الهجرفي داخلي كيف عاتي |
لكن عساني ياهواء البال ماابكيك |
وادعي لك لله يحفظك في صلاتي |
تركي عبدالرحمن الجساس |
|
