قتلت يا قلبي مشاعرك بيدي |
بالله علمني وش احيا مشاعرك |
الذكريات اللي رُبت في وريدي |
والا القلم والبوح وأوراق شاعرك |
يا قلب علمني وش أخبار سيدي |
اللي على المسحوب نوّخ اباعرك |
اللي رحل واختار سكة حديدي |
واللي على الآهات باقي يسّهرك |
اكتب من الآشواق هذا جديدي |
لا زالت الأطلال تبكي منابرك |
وإن كان يقراني ويبغى قصيدي |
بالله يا قلبي على كفته إرك |
إرك الحمول اللي بكاهل بريدي |
واللي على شانه معّبي دفاترك |
اللي فديته من عيوني وجيدي |
يستاهل الجزله على شان خاطرك |
على سمان الهرج مطلق عبيدي |
عليهم التنفيذ لا جات اوامرك |
صوب اليمن والهند والسند زيدي |
يا لحظة التّنفيس فاتح مقابرك |
هذي الرساله ودّها يا عضيدي |
عبر الأثير لدار الإسلام والشرك |
وّزع من التحنان مليون سي دي |
وأنا على الأطلال برفع من آخرك |
بضّغط الآزرار وآقول عيدي |
لعل ترسي فالمواني بواخرك |
وإن كان هذا العيد ماهو بعيدي |
بذكّرك ياقلب وارجع واذّكرك |
قتلت يا قلبي مشاعرك بيدي |
بالله علمني وش احيا مشاعرك |
الذكريات اللي رُبت في وريدي |
والا القلم والبوح واوراق شاعرك |
جمال الربيعي |
|
