المجد مجدك.. والعطايا عطاياك |
والجود جودك.. والمبادي مباديك |
وليا بغينا صفوة الطيب مجناك |
راس الشموخ وصايباتٍ هقاويك |
انا أشهد انك عز منهو تعزواك |
وانا أشهد انك ذرى لمن ناصيك |
هداج تيماء سيدي لا عدمناك |
نروى ويروى غيرنا من سوانيك |
تعيشٍ يا ميرٍ على الخير مسعاك |
وسبحان منهو لخدمة الدين هاديك |
يا سيدي ربي من الاجر يجزاك |
يا فاعل الاحسان من أجل واليك |
للشعب دايم غالياتٍ هداياك |
وخصٍ ليا صارت للمصلي مبانيك |
والجامع اللي شمخ عند يمناك |
يشهد على فعلك بليا تشاكيك |
اجمل طراز مصممٍ فوق الادراك |
حسنه خيال وصورته حيل تسبيك |
مأذنه شامة عالياتٍ بالافلاك |
وخمسة اقباب ملبسات بسراميك |
به غاية الابداع به زخرف الراك |
الباب والمحراب وايضا الشبابيك |
تحفة عمارٍ حاكه الفكر بحباك |
بلوحة جمالٍ من عصور المماليك |
الله يرحم سيدي من سماك |
لعبادة المولى اختارك مسميك |
سماك منهو للشرابيك فكاك |
عودٍ على فعل المراجل موصيك |
عبدالعزيز اللي على الخير رباك |
يالله عسى في جنة عند باريك |
العمر يرخص لك والارواح تفداك |
يقولها لك شاعرٍ معجبٍ فيك |
لا جيت اعدد ويش ابدي مزاياك |
والقاف يقصر ما يوصف مواريك |
انت العديم من القرانيس حلياك |
وانت السباع الضاريه ما تضاهيك |
على سنام العز تمشي مطاياك |
ما تلتفت للمرجفه والصعاليك |
يا عسى ربي من الصواديف ياقاك |
ويحفظك ذخرٍ للمواطن ويحميك |
الدار دارك والرعايا رعاياك |
والعدل عدلك والحضاره مساعيك |
وصلو على اللي وضح الشرع لهداك |
شفيع الامه يوم وقت التهاليك |
الشاعر / عبدالرحمن بن سعود الصقر العتيبي |
|
