خلاص روحي وارحلي من حياتي |
ذي رغبتي واللي بغيتيه خوذيه |
الناس قالوا كل ما فات ماتِ |
ماني معيد اللي مضى لو تعيديه |
كنتي مناتي صدق كنتي مناتي |
لولاك درب الحب ما كنت ماشيه |
برضاك كانت سيِّتي واحسناتي |
أدور الغالي من أجله والبيه |
فيك اقتنعت وصار وقتي غناتي |
واحب محبوبك من الناس واغليه |
سوالفي كنتي وكنتي سكاتي |
ما كان في بالي ولا كنت ناسيه |
سعادتي همي ضياعي نجاتي |
منّك تجرعت مرّ وقتي وحاليه |
كنتي وجودي واصبحي ذكرياتي |
كنتي وجود الحب خلّيك طاريه |
أنا جعلتك ذات واهملت ذاتي |
والحين أبي ذاتي وما فات مابيه |
عيشي حياتك واتركيلي حياتي |
واللي بغيتي قبل تمشين خوذيه |
ناصر محمد فايز الجهضمي |
|
