العروس اللي ليا جا الصيف زادت في حلاها |
لين صارت تلفت الأنظار من بين الحضور |
العرايس يفرحن فالعمر مرَه لا سواها |
غير هي دايم فرح وأيامها دايم سرور |
عاليه والورد عطَرها ويا محلا شفاها |
والعنب والخوخ والرمان وانواع الزهور |
وخادم البيتين أبو متعب ليا منَه لفاها |
نورت واستبشرت به في مواكرها الطيور |
زادها الحكم السعودي حسن والقايد رعاها |
وخالد الفيصل لها عنده محبه ومعذور |
كيف ما يعشق ديارٍ قلبه الفيصل هواها |
وحبها من عهد أخو نوره تسجله السطور |
خالد الفيصل ليا جا دار علاَ مستواها |
بالثقافة والأصالة والشعر له فيه دور |
إنها الطائف عروسٍ للمصايف من صباها |
سطَر التاريخ ذكراها على مَر العصور |
وبالنيابه عن أهلها ومن يسكن في قراها |
مرحبا باللي نوا المصياف ولاَ بالعبور |
مرحبا والطايف احلا جوَها واحل اهوها |
تحت ظل شيوخنا اللي زادوا الأنوار نور |
مملكتنا غاليه في صيفها ولاَ شتاها |
راية الإسلام فيها رفرفت فوق القصور |
الشاعر /محمد بن عبيدالله الخماش |
|
