مراويح السحاب الي تلوح بروقها يا هلال |
على الطايف عساها تنثر الماء لين ترويها |
سحاب يختلط فيه الرعد والبرق والهمال |
تميت سيوله اعشاب الوطا واعشاب تحييها |
هماليله ورى نوضه بروقه كنها الشلال |
تشوف الأرض وتظن السماء مشبوكة فيها |
يزيل الجدب وغبار السنين وقسوة الغربال |
شهر لين العروق الظامية تزهر نواميها |
ديار حبها فقلوبنا نفنا وهو لازال |
مقيم ولو نموت عيالنا فوقه نوصيها |
مصيف المملكة طول الزمن تضرب به الأمثال |
مربع للجمال وقصة بالفجر نرويها |
بلاد الورد والريحان والكادي طيب الفال |
مدينة حالمة مافالبد درة تحاليها |
حباها الله بالجو العليل وزاهي الأشكال |
ليا جتها النفوس المتعبه تقدر تداويها |
بها طيب,وبها مجد,وكرم صدق وشموخ رجال |
قصيدة خالده يحتار كاتبها وقاريها |
بلاد الأمن وبلاد الرخاء تكبر بها الآمال |
تحت ظل الملوك اللي بسيف العدل تحميها |
ياعلام الخفايا نطلبك يا منزل الأنفال |
تحفظ بلادنا واهل الغدر تخلف هقاويها |
الشاعر/ عويد المطرفي (بعيد الهقاوي) |
|
