شهر رمضان أقبل علينا حلوله |
ياهل ترى وش عدوا الناس للصوم |
أحداً يصومه ويتحرا قبوله |
وأحداً ينام وكن برداه محموم |
واللي الى هل الشهر ضاق جوله |
تغيرت عنده مفاهيم وعلوم |
واللي من الأسواق يملى حثوله |
يشيل شيل البين ويطيح ويقوم |
يشيل حملٍ فوق باقي حموله |
وشهر رمضان أسماء من الاكل والنوم |
واما عن التجار ياهي سيوله |
واللي يطيح بساحة الحرب مهزوم |
الشاطر اللي ينتصر كل جوله |
ومن طب في ميدانهم طاح ملكوم |
ياناس اهنيكم بساعة هلوله |
عسى لكم في مقدمه نصر وعزوم |
صوموا عن الاعراض واكل العموله |
الحال يصلح مير فالناس محروم |
سعود بن حباب |
|
