قلتي بتجين، وجمع الولايف فيك ظميان

وانتظرت الوعد مع شرقة الشمس وضحاها

ثم جاني الخبر هيض جروحي والاحزان

بيَّح بصدري كل آه خفاها

من لوعته صمتي غدا حيران جزعان

والعين قد صابها ما كفاها

ناديت (مزنة) يا نعم الجيرة والخلان

وينك يا مزنة والعبرة تبكي رجاها

عقبك الناس عندي سواسي وسيان

ما ترقى لقدرك كل الاحبة ملاها

ذكراك يالعطرة مواقف عود وريحان

يزهى بها العطر ورده من صفاها

كنت رفيقة درب، وصادق الود برهان

صدقيني ما طاب للنفس بعدك هواها

كان الألم لأوجاعك دوم سهران

ينشد قصيد الشعر من دمعي رواها

لامِنْ ذكرتك ذكرت الطيب منك والإحسان

شرواك الطيب والشيمة وسناها

ونّيت لوداعك ونَّة فوادٍ بالأشجان

وداعٍ يالحبيبة ياليِّ قَدَرْها دعاها

أخت الوفا غابت وغاب عنا زين الأعيان

الله عليم بحيفِ الوداع وما جناها

لو تفيد المدامع خليت أنا الدمع جريان

ميرإنَ المدامع والتوجد منها وجاها

قالوا: ورآها تحكي الناس عنها كان وما كان

قلت: العزيزة الأخت الكريمة تهامى رِثاها

بفقدك الديرة وربي خِسْرت أعز إنسان

ما تعوضْك الليالي وإن طالت مداها

رحت أتمثَّل طباعك في كل مجلس وديوان

فدتك الروح يا غلا غاية مناها

لا والذي وآلف وداد الوصل بين الاخوان

ما أنساك يا عهد المودة وما أنسى غلاها

قولوا معي آمين يا رب الأكوان

ترحمك (يا مزنة) في عالي سماها

صفحة الجزيرة الرئيسية

الصفحة الرئيسية

رأي الجزيرة