غابت شمس ثالث العيد والفرحة شحوح

وأشرق عزانا وبدت معانا سود الأيام

راحت وراحت في روحتها كل روح

نامت هي النومة، بقدر رب الأنام

كلن يلوح، وكلن دمعه ع الخد يروح

من بعدك يا يمه غدينا كلنا أيتام

كنت أنتظر ما ترجع، أو أني أروح

ما احتملت صبري، يومي شهر(ن) وعام

لا حصل شوفة جسمها بالأمس مطروح

ولا حصل ضمه، تمحي كل الآلام

ماتت وماتت بموتتها كل الفروح

ماتت وصارت صدق.. كوابيسي والأحلام

بعيني شفتها.. وريحة المسك تفوح

بقلبي دعيتها.. خلف صلاة الإمام

بيدي دفنتها.. والتربه تنهال وتروح

بدمعي سقيتها.. وما علي أي ملام

لولا مخافة ربي.. تمنيتي بدالها أروح

لكن قضاء الله.. آمنوا به كل الأنام

فديتها وفديت فيها كل بوح الجروح

وفديت قلب(ن) تعذب من كثر الآلام

يا رب اجعل قبرها بريح المسك يفوح

واجعل ملائكتك تونسها وسط الظلام

عسى الله يبني لها من القصور صروح

ويسكنها الفردوس الأعلى.. وأعلى مقام

ويرزقها شوفتك يا منجي من الغرق نوح

هي غاية كل الناس.. هي آخر مرام

وتعطيها برحمتك من الأجر جبال وسفوح

وترزقها من فضلك عام(ن) بعد عام

هذي دعواتي عقب ما فاضت الروح

وانتهى برحيلها المر كل الكلام

وأصبح الكل يبكيها يا رب وينوح

من بعدك يا يمه (حصة).. كلنا أيتام

* حفيدها

صفحة الجزيرة الرئيسية

الصفحة الرئيسية

رأي الجزيرة